дома ТОП ВЕСТИ МВР официјално потврди: Уапсен Александар Лазаров – Цуна по четиридневното бегство

МВР официјално потврди: Уапсен Александар Лазаров – Цуна по четиридневното бегство

 

Министерството за внатрешни работи официјално потврди дека е лишен од слобода Александар Лазаров (41) од Кочани, кој пред четири дена избега од Полициската станица во Кочани, по што по него беше распишана централна и меѓународна потерница.

Лазаров доцна синоќа  бил лоциран во Скопје и приведен од полициски службеници.

„На 14.07.2026, по добиени оперативни информации за лице за кое од страна на МВР е распишана централна и меѓународна потерница, од страна на полициски службеници од СВР Скопје – Потраги, од слобода е лишен Александар Лазаров (41) од Кочани. За Александар Лазаров беше распишана потерница по барање на Основен суд Кочани, осомничен за сторено кривично дело по член 215 став 1 од Кривичниот законик. Лицето е спроведено во Полициската станица Кисела Вода за понатамошна постапка“, соопшти МВР. Лазаров беше приведен под сомнение за кривичното дело „неовластено производство и пуштање во промет на наркотични дроги, психотропни супстанции и прекурсори“, но успеа да избега преку прозорец од Полициската станица во Кочани.

Неговото име беше спомнато и во истрагата за трагедијата во дискотеката „Пулс“. Во исказ пред обвинител, сведокот Ана Томева изјави: „Лице познато како ‘Цуната’ беше главен дилер на дрога. Беше стално апсен, па пуштан.“

Во меѓувреме, Одделот за внатрешна контрола, криминалистички истраги и професионални стандарди при МВР води истрага за евентуална одговорност на полициските службеници од кои Лазаров успеа да избега.

ПредходнаИнклузивен натпревар во кошарка во колички кај „Авионче“ во Ново Лисиче
СледнаВо Собранието денеска опозициски прашања и тековни извештаи и закони