дома Свет Балкан Зеленски ги отповика амбасадорите во Албанија, Хрватска и Црна Гора

Зеленски ги отповика амбасадорите во Албанија, Хрватска и Црна Гора

Украинскиот претседател Володимир Володимир Зеленски донесе одлука за отповикување на амбасадорите на Украина во неколку држави, меѓу кои се Албанија, Хрватска и Црна Гора, според претседателските уредби објавени вчера.

Според објавените укази, кои беа пренесени од албанските медиуми, отповикан е Володимир Шкуров, кој ја извршуваше функцијата амбасадор во Албанија од април 2020 година, како и Васил Кирилич од амбасадорската позиција во Хрватска и Олех Херасименко од Црна Гора.

Во соопштенијата од кабинетот на украинскиот претседател не се наведени конкретните причини за овие кадровски ротации, а во моментов сѐ уште нема именувано нови амбасадори за овие дипломатски претставништва.

Како дел од пошироката дипломатска ротација, Зеленски со посебен указ го отповикал и амбасадорот на Украина во Пакистан, Маркијан Чучук.

Овие отповикувања доаѓаат во период кога се случуваат значајни промени во дипломатскиот состав, откако деновиве Зеленски ја разреши и амбасадорката на Украина во САД, Олха Стефанишина.

Само неколку дена по нејзиното разрешување, Врховниот суд за борба против корупцијата ја стави Стефанишина под истрага и одреди мерка со кауција од околу 134.000 американски долари, бидејќи таа е осомничена за нелегално богатење и лажно пријавување на имот.

По повод судската одлука, самата Стефанишина изјавила дека нема доволно финансиски средства да ја плати кауцијата што ја одреди судот

ПредходнаАнтонио Бандерас ја открива својата моментална врска со новиот филм
Следна23 пожари и интервенции, а сеуште гори кај Македонски Брод