Момче (14) и млад човек (21) кои планинареа во регионот Горни Пиринејски беа погодени од гром денес додека одеа по планинарска патека и беа сериозно повредени, изјави извор близок до истрагата.
Планинарите оделе по патека во близина на Котерет, на надморска височина од 2.700 метри, со група од околу 15 лица, кога биле погодени од гром, објави телевизијата BFM.
Заменик-командантот на жандармерискиот вод за голема надморска височина Жан-Мишел Роде изјави дека бура се формирала над планинскиот венец каде што биле планинарите околу 15:30 часот, по што жандармеријата била „повикана од група луѓе зафатени од бурата, од кои двајца биле погодени од гром“.
Тој рече дека спасувачките служби биле во можност да ги лекуваат двете жртви „благодарение на релативно краткото време“ во кое пристигнале на местото на настанот, што им овозможило да добијат прва помош и „брзо да бидат префрлени во хеликоптер“. Повредените биле однесени во болници во Тарб и По, во југозападна Франција.
